Турскиот претседател Реџеп Тајип Ердоган во вторникот вечерта изрази надеж дека односот на САД кон Турција нема да се промени поради одлуката да купи систем за ракетна одбрана С-400 од Русија.
„Релевантни институции спроведуваат неопходни преговори. Ќе продолжат да го прават тоа. Ќе разговараат и со Парламентот. Се надевам дека овој погрешен пристап на Америка ќе се смени“, рече Ердоган.
Американски и претставници на НАТО повеќе пати ја предупредија официјална Анкара дека со С-400 не може да се интегрира во НАТО системите за воздушна и ракетна одбрана и оти купувањето С-400 ќе ги загрози изгледите за реализација на купувањето на борбените авиони F-35.
