Европската Унија бара разјаснување и ги анализира причините, мотивите и можните последици од одлуката на Приштина, еврото да биде единствената валута која ќе се користи во Косово, вели портпаролот на Европската комисија за надворешни работи и безбедносна политика Петер Стано.
„Од Косово и Србија се очекува да избегнуваат преземање на некоординирани постапки кои не придонесуваат за нормализација на односите и кои може да имаат негативно влијание врз стабилноста на теренот“, рече Стано.
Тој посочува дека Унијата ги повикува двете Србија и Косово ова прашање да го решаваат во рамки на дијалогот кој се спроведува под нејзино покровителство.
Согласно уредбата на косовската Централна банка, од февруари единствена валута што ќе се користи во земјата ќе биде еврото, кое веќе се користи во најголемиот дел од Косово, освен во деловите каде мнозинството од населението се Срби, а кои го употребуваат српскиот динар.
