Европската унија ги блокираше американските санкции против Иран со цел да ги заштити европските компании. Европската комисија објави дека, и покрај американските санкции, европските компании ќе ја продолжат својата правна работа во Иран под заштита од Брисел.
Зачувување на нуклеарен договор со Иран е прашање на почитување на меѓународните договори и меѓународни безбедносни прашања и длабоко жалам за повторно наметнување на санкции врз Иран од страна на САД, по повлекувањето од договорот, велат од Брисел.
Заедничкото соопштение е потпишано од високиот претставник на ЕУ за надворешна политика и безбедност, Федерика Могерини и министрите за надворешни работи на Франција, Германија и Велика Британија, Жан Ив ле Дриан, Хајко Мас и Џереми Хант.
Укинување на санкциите е суштински дел од договорот, бидејќи нивната цел е позитивно влијание врз трговијата и економските односи со Иран, но исто така и животите на граѓаните на Иран. Ние сме решени да ги заштитиме европските деловни субјекти кои се занимаваат со легитимен бизнис со Иран, во согласност со правото на ЕУ и Резолуцијата 2231 на Советот за безбедност на ОН. Затоа ажурираниот Статутот на блокирање на ЕУ стапува на сила на 7 август да се заштитат европските компании кои легално прават бизнис со Иран од влијанието на американските санкции, се вели во соопштението.
Останатите земји потписнички на нуклеарниот договор со Иран ветија дека ќе работат за зачувување и одржување на ефикасни и финансиски канали со Иран, како и продолжување на иранскиот извоз на нафта и гас.
