Кошаркарите на Црвена звезда го совладаа Фенербахче на гости со 85:76, додека нивниот голем градски ривал со кого ќе се сретнат вече следната седмица Партизан го совлада на домашен паркет Асвел во 18. коло од Евролигата со резултат 90:77.
Ова беше трета последователна победа на Ѕвезда против Фенербахче, односно прв пораз на турскиот тим на домашен терен во Евролигата оваа сезона. Тоа беше чуден натпревар, домашните двапати одеа до двоцифрено водство, но Ѕвезда не се предаваше, па во последната делница успеа да направи пресврт, да воспостави контрола и да го задржи водството до крајот.
Во четвртата четвртина Милош Теодосиќ постигна можеби решавачка „тројка“, истото го направи и Немања Недовиќ, но пред тоа своја серија од 0 од 5 имаше и Бранко Лазиќ кој беше клучен во моментите кога Ѕвезда направи пресврт. Но ништо од ова немаше да биде возможно доколку Џоел Боломој не го одигра еден од најдобрите натпревари во кариерата. Впиша 24 поени што е негов рекорд во кариерата во Евролигата а на тоа додаде шест поени.
Рокас Гидраитис постигна 19 поени со седум скока, додека Адам Ханга имаше 12 поени и четири скока. На овој меч минутажа доби и тинејџерот Никола Топиќ кој неодамна дојде во редовите на Ѕвезда, кој впиша четири поени и асистенции со еден скок во 19 минути игра. Теодосиќ имаше осум асистенции.
Кај Фенербахче, Најџел Хејс-Дејвис постигна 21 поен и девет скока, додека Скоти Вилбекин додаде 14 поени со четири асистенции.
Црвена ѕвезда сега има скор 7-11, додека Фенербахче е на 10-8. Во следното коло Ѕвезда го пречекува Партизан, додека турскиот тим ќе му гостува на Макаби.
Партизан, пак, дуелот со фрацуски Асвел го отвори со водство од 5:1, па се замина на 15:8, а со „тројката“ на Кевин Пантер во следниот напад отиде на 18:10. Со тоа уфрлање капитенот на „црно-белите“ стана и првиот двоцифрен кошаркар на мечот, постигнувајќи исто толку поени како и гостите, додека првиот дел беше решен со резултат 23:17 благодарение на Тристан Вукчевиќ, кој погоди „тројка“ под прекршок и доби дополнително слободно фрлање во моментот кога Асвел успеа да дојде до напад за пресврт. Тој потег беше најава за тоа што следуваше во остатокот од натпреварот.
Веќе на почетокот на втората четвртина Партизан дојде до предност од десет поени (28:17), а од 31:23 црно-белите постигнаа седум поени и стигнаа до 38:23, практично правејќи голем чекор кон победата. Во тие моменти одличен беше Огњен Јарамаз, кој најпрвин погоди „тројка“, а потоа и за два поена, па „црно-белите“ имаа во еден момент 47:27 во втората четвртина, додека во третата имаше огромни плус 31 (64:33).
Но, наместо рутински да го приведат натпреварот кон крајот, избраниците на Жељко Обрадовиќ целосно застанаа. Гостите најпрвин успеаја да го намалат резултатот на 45:69, а потоа во последните десет минути пристојно ги загрижија навивачите на Партизан. Блесна Мајк Скот, кој во последната четвртина постигна 18 од своите 24 поени, па Асвел во еден момент имаше напад за да дојде до едноцифрена негатива, но Данило Анѓушиќ и Френк Камински успеаја да го одбијат налетот на гостите.
Партизан ја впиша 10-та победа сезонава и во наредното коло гостувањето кај Црвена ѕвезда ќе го дочека како осмопласиран, додека Асвел е заглавен на дното на табелата со само две победи и 16 порази.
РЕЗУЛТАТИ
Евролига – 18. коло
Фенербахче – Црвена ѕвезда 76:85
Жалгирис – Алба Берлин 77:71
Макаби Тел Авив – Монако 93:83
Олимпијакос – Армани Милано 79:74
Партизан – Асвел 90:77
Валенсија – Анадолу Ефес (среда, 19.30 часот)
Басконија – Панатинаикос (среда, 20.30 часот)
Виртус Болоња – Баерн (среда, 20.30 часот)
Барселона – Реал Мадрид (среда, 21.00 часот)
ТАБЕЛА
1. Реал Мадрид 17 16 1 1475:1254
2. Виртус Болоња 17 12 5 1401:1366
3. Макаби Тел Авив 18 11 7 1549:1548
4. Барселона 17 11 6 1402:1344
5. Панатинаикос 17 10 7 1374:1309
6. Олимпијакос 18 10 8 1368:1318
7. Монако 18 10 8 1452:1423
8. Партизан 18 10 8 1498:1473
9. Фенербахче 18 10 8 1450:1448
10. Валенсија 17 9 8 1269:1266
11. Басконија Виторија 17 9 8 1396:1405
12. Баерн 17 8 9 1311:1351
13. Армани Милано 18 7 11 1404:1367
14. Црвена ѕвезда 18 7 11 1459:1446
15. Анадолу Ефес 17 7 10 1369:1472
16. Жалгирис 18 6 12 1404:1439
17. Алба Берлин 18 3 15 1362:1543
18. Асвел Лион-Вилурбејн 18 2 16 1384:1555
