Кошаркарите на белградски Партизан се поразени од Реал во Мадрид во 16. коло од Евролигата со резултат 75:91, а нивниот градски ривал Црвена ѕвезда го победи израелски Макаби со 98:92 како гостин во белградската сала „Пионир“.
Уште од самиот почеток на натпреварот во Мадрид беше јасно дека играчите на Реал се исклучително расположени, па по почетното водство на Партизан од 5:2 постигнаа пет поени во низа и направија пресврт, по што не дозволија да го изгубат водството до крајот на натпреварот.
И двете екипи беа добро расположени во нападот, но голем проблем за Партизан беше многу слабата одбрана на својот кош и недозволиво големиот број грешките во нападот, во прв ред честото губење на топката, па Реал стигна до предност 19:12, а потоа зголеми на 24:14, а во втората четвртина отиде на огромни 38:21. По тоа, Партизан во тој момент успеа да дојде до заостанување 32:42 предводен од блесокот на Бразилецот Бруно Кабоко, но тоа беше сѐ од „црно-белите“.
Марио Хезоња и Џанан Муса беа одлични и го полнеа кошот на „црно-белите“, користејќи го секој пад на концентрацијата на тимот од Белград.
По првите 20 минути домашните имаа водство од 48:36, но во третата четвртина, откако го одбија последниот налет на гостите, направија серија од 12:0 од 57:44, стигнаа до 69:44, и со тоа беше решено прашањето на победникот.
Ова беше 15-та победа на Реал од почетокот на сезоната а со само еден пораз, додека Партизан го претрпе седмиот пораз од почетокот на сезоната покрај деветте победи.
Партизан го предводеше Кабоко со 18 поени, а добри беа и Балша Копривица со 11 и Тристан Вукчевиќ со 12 коша, додека кај Реал убедлив беше Џанан Муса со 23, а Марио Хезоња додаде 14 поени.
Малку претходно во четвртокот вечерта, кошаркарите на Црвена ѕвезда успеаја да ја остварат првата „гостинска“ победа сезонавва, имајќи предвид дека поради познатите случување на Блискиот исток, Макаби Тел Авив домашните натпревари во продолжението на Евролигата ги игра во Белград, но против домашните екипи пред празни трибини.
Така, низата од седум порази на гости оваа сезона беше прекината во Белград пред само неколку десетици присутни претставници на двата клуба. Црвено-белите сега се на учинокот од шест победи и 10 порази пред врзаните гостувања кај Панатинаикос и Фенербахче.
Во победата на Ѕвезда од 98:92, Милош Теодосиќ пружи неверојатна партија и мечот го заврши со 27 поени, три скока и 14 асистенции со индекс на корисноста 40. Покрај Теодосиќ блескаше и Џоел Боломбој, кој постигна рекорд во кариерата со 20 поени (8/10 од поле), шест скока и две асистенции. Рокас Гедраитис постигна 16 поени со три скока, сите во вториот дел.
Првите минути поминаа во пресметката меѓу Џош Ниб и Џоел Боломбои, како и во период од две-три минути пад на двете екипи кога видовме голем број на промашувања. Во вториот период Ѕвезда првпат дојде до двоцифрена предност (42:31), а на полувремето имаше плус девет (51:42).
На стартот од третиот дел избраниците на тренерот Јанис Сферопулос ги достигнаа максималните плус 19, а во последните 10 минути влегоа со резултат 79:65.
Судиите во еден момент направија хаос со своите одлуки и бараа „Пионир“ да се испразни, бидејќи мал број од присутните наводно им вршеле притисок.
Сепак, натпреварот беше решен кога Ѕвезда поводе со 87:69 на 7,32 минути до крајот на натпреварот. Макаби дури на две минути пред крајот успеа да се извлече од двоцифрена негатива, а на 35 секунди до крајот дојде до минус шест (92:98), но не можеше да ја загрози победата на Ѕвезда.
