Економијата на еврозоната и на Европската унија пораснаа само умерено во вториот квартал, објави во петокот Eurostat, благо намалувајќи ги проценките.
Економијата на еврозоната и на ЕУ во целина пораснала во периодот од април до јуни за 0,2 отсто во однос на претходните три месеца кога беше зголемена за 0,3 отсто, пресметале во Eurostt врз основа на сезонски прилагодени податоци. Проценките објавени во средината на август покажаа зголемување на активноста од 0,3 отсто во двете области.
Од крајот на 2022 година, европската економија е на работ на стагнација, покажуваат податоците на европската агенција за статистика.
На почетокот од јуни, Европската статистичка служба забележа дека до октомври ќе ги објави повеќето ревидирани квартални и годишни податоци на земјите-членки за националните сметки и платниот биланс, како дел од усогласените промени во референтните вредности и вклучувањето во пресметки на нови извори на податоци и промени во методологијата.
Промените во одредени унифицирани европски податоци треба да бидат „ограничени, но сепак забележливи“, додека промените во податоците на некои земји-членки треба да бидат „поизразени“, посочуваат статистичарите.
Полската економија најсилно порасна во вториот квартал, за 1,5 отсто во споредба со првите три месеци. Следуваат Грција и Холандија, со раст на активноста од 1,1 и еден процент, соодветно. Блиску е и Хрватска, со раст на економската активност во периодот од април до јуни за 0,8 отсто во однос на претходните три месеци кога е зголемена за еден отсто. Истата стапка на раст во пролетниот квартал забележа и Шпанија.
Романската и португалската економија забележаа најслаб раст од 0,1 отсто, додека естонската економија стагнираше. Најсилен пад на активноста на квартално ниво забележа Ирска, за еден процент, а по неа е Летонија со пад на активноста од 0,9 проценти. Блиску е и Австрија, чиј БДП е намален за 0,4 отсто.
Најголемата европска економија, онаа на Германија, се намали во вториот квартал за 0,1 отсто, покажуваат табелите на Eurostat.
Споредено со истиот период минатата година, економијата на еврозоната пораснала во вториот квартал, според сезонски прилагодените податоци, за 0,6 отсто, а активноста во ЕУ за 0,8 отсто, во согласност со проценките од средината на август. Во првиот квартал БДП на еврозоната порасна за 0,5 отсто, а на ЕУ за 0,7 отсто.
На почетокот на годината, економската активност во двете области се оддалечи од работ на стагнација во втората половина на 2023 година, покажуваат податоците на Евростат.
Економијата на Малта пораснала најсилно во вториот квартал на годишна основа, за 4,2 отсто, по што следат Полска и Кипар со стапки на раст од четири, односно 3,7 отсто.
Економијата на Луксембург забележа најскромно, за 0,3 отсто. Германската економија стагнираше во однос на истиот период минатата година.
Убедливо најголем пад на активноста во однос на вториот квартал од минатата година забележа Ирска, од 4,1 отсто. Следат Естонија и Финска, со пад од 1,3 и 1,2 отсто соодветно.
