Европската комисија му изрече казна од 1,2 милиони евра на германскиот производител на оружје „Diehl“ поради договорот со швајцарскиот RUAG за поделба на европските пазари за рачни бомби.
Помеѓу 2007 и 2021 година, двете компании продавале гранати на одредени европски пазари за да избегнат меѓусебна конкуренција, откри Комисијата, според соопштението објавено во четвртокот.
Двете компании го признаа делувањето на пазарот, но RUAG избегна казна бидејќи го известил Брисел за договорот.
Според прописите на Европската комисија, казната на „Diehl“ требаше да изнесува 2,5 милиони евра, но таа беше намалена поради неговото признание и учество во истрагата.
„Ова е прва одлука за здружување на картели во одбранбениот сектор“, рече еврокомесарот за конкуренција Дидие Рејндерс.
„Во време на менување на геополитичката реалност, тоа е исто така потсетување дека нема да толерираме картели во ниту еден сектор, без разлика дали е стратешки или не“, додаде Рејндерс.
