Европската унија треба двапати да размисли пред да ги заостри извозните контроли на чиповите и нивната производствена опрема, вели здружението на индустријата за полупроводници, предупредувајќи дека таквата мерка треба да биде резервирана само за случаи на „вистинска“ загриженсот за националната безбедност.
Во јануари, Европската комисија ги претстави плановите за подобрување на „економската безбедност“ и спречување на несакани трансфери на технологија на конкуренти како Кина.
ЕУ правилно оцени дека треба да се анализира ризикот од тоа конкурентите да добијат пристап до европските технологии, но најдобро решение за заштита на безбедноста „во геополитички кризни сценарија“ е партнерството за слободна трговија, тврди здружението на индустријата за полупроводници.
Здружението ги претставува компаниите од целиот полупроводнички сектор, вклучително и холандскиот производител на полупроводничка опрема ASML, германските и холандските производители на чипови „Infineon“ и NXP, како и белгиските, германските и француските истражувачки институти „Imec“, „Frauenhofer“ и „CEA Leti“.
„Со цел да се гарантира долгорочен успех и просперитет на европската индустрија за полупроводници, нашите компании мора да бидат што е можно послободни во одлуките за инвестирање. Во спротивно, тие би можеле да ја изгубат агилноста и релевантноста“, објаснуваат од SEMI Europe.
Плановите на Комисијата вклучуваат усогласување на извозните ограничувања, построги проверки на странските инвестиции и анализа на потенцијалните ризици во инвестициите на европските компании во странство.
Во SEMI Europe веруваат дека строгата проверка на странските инвестиции може да ги обесхрабри компаниите и „да го поткопа потенцијалниот успех на европскиот закон за чипови“. Со овој закон Комисијата се обидува да ја поддржи домашната индустрија и да се натпреварува со слични програми во Кина и САД.
Вашингтон се обидува да ги спречи напорите на Кина да развие сопствена индустрија за чипови и бара од своите европски партнери да го следат примерот. Холандската влада веќе му забрани на домашниот производител ASML да извезува машини за производство на софистицирани чипови во Кина.
„Во контекст на актуелните геополитички тензии и истакнатата улога на индустријата и контролата на извозот на полупроводниците во овие (тензии), сè поважно е ЕУ да биде обединета“, нагласуваат од асоцијацијата.
„Контролата на извозот всушност треба да биде последната опција, резервирана за случаи каде што навистина се плаши националната безбедност“, според , велат од SEMI Europe.
