На европските берзи во петок претпладнето, последниот трговски ден од годината, индексите благо пораснаа, со што се консолидираа добивките за годината, а тргувањето е мирно бидејќи нема вест што би имала значително влијание врз пазарите.
Индексот STOXX 600 на водечките европски акции во првиот дневен пресек порасна за 0,2 отсто. Истовремено, лондонскиот FTSE индекс зајакна за 0,04 отсто, на 7.725 поени, додека франкфуртски DAX се зголеми за 0,17 отсто, на 16.730 поени, а париски CAC зајакна за 0,30 отсто, на 7.558 поени.
На берзите последните денови се тргува мирно, откако цените на акциите силно пораснаа од почетокот на годината. Индексот STOXX 600 се зголеми за повеќе од 12 проценти оваа година и се движи близу до највисокото ниво во последните 23 месеци.
Германскиот DAX во исто време порасна за речиси 20 отсто и покрај независната состојба во економијата. Францускиот CAC, пак, порасна за повеќе од 16 отсто, а британскиот FTSE за околу 3,6 отсто.
На последниот трговски ден од годинава и на азиските берзи се тргува внимателно. MSCI индексот на азиско-пацифичките акции, без јапонските, во истиот дневен пресек како и во Европа беше речиси непроменет од затворањетона претходниот трговски ден. Од почетокот на годината забележа раст од околу 5 отсто, па ќе го забележи првиот раст по двете години пад.
Претпладнево на Токиската берза индексот Nikkei ослабе за 0,2 отсто, а благо паднаа и цените на акциите во Австралија и Хонгконг. Во Шангај, пак, благо се зголемија, додека во Јужна Кореја денеска пазарите не работат.
Најмногу оваа година скокна индексот Nikkei, околу 28 отсто и се движи на највисоките нивоа во повеќе од 30 години. Следo Tајванската берза со раст од речиси 27 отсто, додека индискиот Nifty индекс порасна за околу 20 отсто.
Од друга страна, цените на акциите најмногу паднаа годинава на берзата во Тајланд, околу 15 отсто. Индексот Hang Seng на берзата во Хонгконг се лизна, од друга страна, за околу 14 отсто, додека индексите во Шангај се на пат кон загуба од околу 11 отсто.
Така, повеќето азиски берзи го следеа растот на Волстрит. Од почетокот на годината Dow Jones порасна за 13,8 отсто, S&P 500 за 24,6 отсто, а Nasdaq индексот за 44,2 отсто. Благодарение на силниот раст на цените на акциите во изминатите девет седмици, S&P 500 е на дофат на највисокото ниво на сите времиња.
Тоа е благодарение на постепеното ублажување на инфлацијата и забавувањето на економскиот раст. Поради ова, американската централна банка најверојатно го завршила циклусот на зголемување на каматните стапки, па следната година ќе следи намалување на каматите.
Пазарот е поддржан и од уверувањето на инвеститорите дека и покрај агресивното зголемување на каматните стапки во последните години, економијата ќе избегне рецесија.
„Ова е еден од најголемите пазарни скокови на крајот на годината, а започна пред пораките на Fed во средината на декември во врска со каматните стапки и инфлацијата. Тоа покажува колку далеку сме стасале од дното на пазарот на ‘мечката’ минатата година и ги потсетува инвеститорите дека по темните облаци секогаш доаѓа сонце“, рече Рајан Детрик, стратег во компанијаа „Carson Group“.
