Европските берзи пораснаа за повеќе од 1 отсто во четвртокот претпладнето, бидејќи инвеститорите веруваат дека Европската централна банка (ECB) дополнително ќе ги намали каматните стапки за да го поддржи растот на економијата на еврозоната.
Индексот STOXX 600 на водечките европски акции во претпладневвниот пресек од тргувањето порасна за 1,1 отсто. Истовремено, лондонскиот FTSE индекс зајакна за 1,05 отсто, на 8.280 поени, додека франкфуртски DAX порасна за 1,13 отсто, на 18.538 поени, а париски CAC за 1,04 отсто, на 7.475 поени.
На пазарите владее добро расположени, бидејќи се очекува челниците на Европската централна банка (ECB) на денешниот состанок да ги намалат каматните стапки за 0,25 процентни поени, како што направија во јуни. Инфлацијата во еврозоната постепено се намалува во последните месеци, што ѝ отвора простор на ECB да ја олaбави монетарната политика за да го поттикне економскиот раст.
Цените на акциите пораснаа и на азиските берзи. Индексот MSCI на азиско-пацифичките акции, без јапонските, порасна за повеќе од 1 отсто во истиот пресек од тргувањето како и во Европа. Во исто време, на токиската берза индексот Nikkei порасна за 3,4 отсто, додека цените на акциите во Австралија, Хонгконг и Јужна Кореја пораснаа меѓу 1 и 2,3 отсто. Во Шангај, пак, благо паднаа.
Инвеститорите беа охрабрени од вчерашниот раст на берзанските индекси на Волстрит. Dow Jones зајакна за 0,31 отсто, додека S&P 500 порасна за 1,07 отсто, а Nasdaq индексот за 2,17 отсто. Тоа главно се должи на растот на технолошкиот сектор во просек од 3,3 отсто. Во исто време, цената на акцијата на „Nvidia“ скокна за 8 отсто, по веста дека американските власти би можеле да дозволат извоз на напредните чипови на компанијата во Саудиска Арабија.
