На европските берзи во петокот претпладнето се тргуваше претпазливо, при што цените на акциите беа малку пониски откако вчера ги достигнаа највисоките нивоа во девет седмици.
Индексот STOXX 600 на водечките европски акции беше намален за 0,1 отсто, лизгајќи се од највисокото ниво во последните девет седмици. Истовремено, лондонскиот FTSE индекс ослабе за 0,25 отсто, на 7.465 поени, додека франкфуртски DAX се лизна за 0,03 отсто, на 15.989 поени, а париски CAC 0,01 отсто, на 7.276 поени.
Внимателно се тргува и на азиските берзи. Индексот MSCI на азиско-пацифичките акции, без јапонските акции, беше намален за 0,6 отсто во истиот дневен пресек со европските берзи, но е на пат да биде во добивка од 0,8 отсто оваа седмица. Претпладнево на токиската берза индексот Nikkei порасна за 0,5 отсто, а цените на акциите во Австралија исто така пораснаа за 0,2 отсто. Во Јужна Кореја, Шангај и Хонгк, пак, паднаа меѓу 0,6 и 1,9 отсто.
Азиските инвеститори се претпазливи со денови бидејќи нема нови значајни вести кои би можеле да ги стимулираат пазарите. Сепак, тие се на пат да остварат седмични добивким бидејќи пазарите нагло се зголемија на почетокот на седмица благодарение на верувањето на инвеститорите дека циклусот на зголемувања на каматните стапки во западните земји е завршен.
Сепак, последните неколку дена се тргува внимателно бидејќи економските показатели од регионот не се многу импресивни. Утрово беше објавено дека индустриската активност во Јапонија падна шести месец по ред во октомври, додека базичната стапка на инфлација повторно благо порасна, иако помалку од очекуваното.
Кинеските берзи, пак, позначителен паднаа поради корекцијата на цените на акциите по вчерашниот значителен раст, кога инвеститорите беа охрабрени од новите мерки на кинеските власти за стабилизирање на пазарот на недвижности.
На инвеститорите и предпладнево им недостасуваат насоките од њујоршки Волстрит, со оглед на тоа што вчера не се работеше во САД поради Денот на благодарноста. Денеска, пак, на најголемата светска берза ќе се тргува во скратеното работно време, а фокусот на инвеститорите ќе биде потрошувачката во текот на Црниот петок. Денот кога продавниците нудат големи попусти, се смета за почеток на празничната сезона.
