По минатонеделните добри перформанси, најважните индекси се лизнаа на европските берзи во понеделник во претпладневното тргување, предводени од францускиот индекс CAC, откако тамошната влада ја намали прогнозата за економски раст.
Паневропскиот индекс Stoxx 600 беше во минус од 0,1 отсто претпладнево, при што паднаа повеќето секторски индекси, а најмногу секторот технолошки акции, за 0,8 отсто. Меѓу најважните индекси, најмногу падна францускиот CAC, за 0,46 отсто, на 7.732 поени, додека франкфуртски DAX падна за 0,32 отсто, на 17.062 поени, а лондонскиот FTS индекс за 0,00 отсто, на 7.704 поени.
Парискиот CAC индекс падна од рекордно високото ниво постигнато во петокот, откако француската влада ја намали прогнозата за овогодишниот економски раст од 1,4 на само еден процент, поради ефектите од војната во Украина и Појасот Газа и забавувањето на активноста кај трговските партнери и Германија и Кина.
Меѓу најголемите индивидуални губитници беше Јувентус, со пад од 1,3 отсто, откако италијанскиот фудбалски клуб пријави дополнителна загуба во првата половина од тековната фискална година и доби забрана за учество во профитабилното европско натпреварување оваа сезона поради финансиски нерегуларности.
Од друга страна, најголем поединечен добитник беше акцијата на „Curry“, која скокна за 30,6 отсто откако кинеската електронска продавница „JD.com“ објави дека е во „многу рана фаза“ на оценување на можната понуда за британскиот продавач на електроника.
Севкупно, обемот на тргување се очекува да биде слаб, бидејќи американските пазари се затворени денеска поради празникот.
