На европските берзи во средата претпладнето се тргуваше претпазливо, со малку повисоки индекси, додека инвеститорите ја следат ситуацијата на Блискиот исток откако Иран и претходната вчера истрела проектили кон Израел.
Индексот STOXX 600 на водечките европски акции во претпладневниот пресек од тргувањето порасна за 0,2 отсто, враќајќи дел од вчерашните загуби. Истовремено, лондонскиот FTSE индекс зајакна за 0,38 отсто, на 8.307 поени, додека франкфуртски DAX се зголеми за 0,01 отсто, на 19.215 поени, а париски CAC за 0,18 отсто, на 7.587 поени.
Благиот пораст на индексите најмногу се должи на скокот на цените на акциите во нафтениот сектор, во просек за 1,5 отсто, бидејќи конфликтот на Блискиот исток предизвикува раст на цената на нафтата.
И на повеќето азиски берзи цените на акциите паднаа. MSCI индексот на азиско-пацифичките акции, без јапонските, беше во минус од 0,5 отсто во истиот момент како и во Европа. Истовремено, јапонскиот индекс Nikkei се лизна за 2,2 отсто, додека цените на акциите во Австралија и Јужна Кореја паднаа меѓу 0,1 и 1,2 отсто.
Кинеските берзи с\ уште се затворени поради празникот, додека во Хонгконг цените на акциите скокнаа за околу 5 отсто, бидејќи пазарот и натаму е еуфоричен поради новиот монетарен и фискален поттик, најголем од периодот на пандемијата, што треба да го стимулира економскиот раст.
Најмногу претпладнево пораснаа цените во градежниот сектор, бидејќи кинеските власти воведоа низа мерки за сузбивање на повеќегодишната криза на пазарот на недвижности.
Останатите азиски берзи го следат вчерашниот пад на Волстрит, кога индексот Dow Jones падна за 0,4, S&P 500 за околу 0,9, а индексот Nasdaq за 1,5 отсто. Падот на индексот е последица на претпазливоста на инвеститорите поради ескалацијата на конфликтот на Блискиот исток.
