Полицијата поднесе кривична пријава против скопјанецот А.З.(31) поради кражба, за што судија на претходна постапка му одреди и мерка притвор во траење од 8 дена.
Пријавениот на 30.10.2015 година околу 10.30 часот на подрачје на Бит Пазар, дошол на автобуската постојка и искористувајќи ја гужвата која се создала, со протнување на раката во торба која оштетената ја носела на десното рамо успеал да и го украде паричникот. Веднаш по извршувањето на кривичното дело пријавениот бил забележан од полициски службеници, по што бил лишен од слобода и заедно со украдениот паричник однесен во ПС ОН Бит Пазар, информираат од полицијата.
Со потврда од пријавениот одземен е паричникот и истиот и е вратен на оштетената.
Против А.З. во временскиот период од 1998 -2015 година од страна на СВР Скопје поднесени се 25 кривични пријави за извршени кривични дела од областа на имотните деликти и кривични дела против јавниот ред.
