Неименувана бразилска државјанка била фатена на аеродромот во Богота додека се обидувала да прошверцува 130 отровни жаби преку граница.
Животните биле откриени во нејзиниот куфер, поточно во мали пластични садови и биле „дехидрирани и под стрес“, соопштија властите.
Жената планирала да отпатува за Сао Паоло преку Панама, а се обидела да се извлече од ситуацијата тврдејќи дека жабите ги добила на подарок од локална заедница во јужна Колумбија.
Полицијата вели дека секоја жаба може да достигне цена до 1.000 долари и дека е многу барана од приватните колекционери на црниот меѓународен пазар.
Арлекин жабите (Oophaga histrionica) се помали од човечки палец. Нивните жлезди произведуваат силен отров кој во минатото го користеле домородците за да ги обложат врвовите на ловечките стрели. Отровот е доволно силен да убие мало животно, јавува Би-Би-Си.
Тоа е критично загрозен вид кој се наоѓа во тропските шуми долж брегот на Тихиот Океан помеѓу Еквадор и Колумбија, како и во други земји од Централна и Јужна Америка.
Секретарот за животна средина на Богота, Адријана Сото, истакнува дека казната за поседување на една од овие жаби може да достигне 14.300 долари.
