Извршниот комитет на Меѓународната кошаркарска федерација (ФИБА) на состанокот одржан во понеделникот одлучи да им додели домаќинскии статус на кошаркарските квалификациски турнири за Олимписките игри во 2024 година на Шпанија, Грција и Латвија и Порторико.
Четирите турнири, на кои ќе учествуваат вкупно 24 репрезентации, ќе се одржат од 2 до 7 јули следната година во четири градови: Валенсија (Шпанија), Пиреја (Грција), Рига (Латвија) и Сан Хуан (Порторико).
Жрепката за квалификациските турнири е закажана за вечерва, од 19 часот, во седиштето на ФИБА во Миес (Швајцарија).
Групите според силата на четирите репрезентации се распоредени според актуелното рангирање на ФИБА. Секој турнир ќе содржи по шест репрезентации, кои ќе бидат поделени во две групи од по три. По одигрувањето на натпреварите во групата двете првопласирани репрезентации ќе играат во полуфиналните натпревари, а победничките селекции ќе се пласираат во финалето. Само победничкиот тим на секој од четирите турнири ќе се квалификува за Олимписките игри во Париз (27 јули – 11 август).
Во жрепката има ограничување дека на секој од трите турнири може да има најмногу три европски репрезентации и дека не може да има повеќе од две во иста група.
Одлучено е репрезентациите од првата, четвртата и петтата група според силата да бидат распоредени во групите А, додека оние од втората, третата и шестата група сили ќе формираат групи Б на секој од четирите турнири. Првата група ја сочинуваат Шпанија, Летонија, Литванија и Словенија. Во четвртата силна група се Нов Зеланд, Грузија, Мексико и Либан.
Ограничувања има и за другите континенти: секоја група може да има максимум еден тим од американскиот континент, додека секој турнир може да има по еден африкански тим и максимум по еден од Азија и Океанија.
Групи според ренгирањето за жрепката на кошаркарските квалификациски турнири за ОИ во Париз 2024 година.
ГРУПА 1: Шпанија, Летонија, Литванија, Словенија
ГРУПА 2: Бразил, Италија, Грција, Полска
ГРУПА 3: Порторико, Црна Гора, Доминиканска Република, Финска
ГРУПА 4: Нов Зеланд, Грузија, Мексико, Либан
ГРУПА 5: Хрватска, Брегот на Слоновата Коска, Ангола, Филипини
ГРУПА 6: Египет, Бахамите, Камерун, Бахреин
