Филип Темелковски кандидат и актуелен градоначалник од СДСМ во Општина Кисела Вода, во дебатата на Телма со другите кандидати призна кривично дело.
Имено тој на прашање на кандидатот на ВМРО-ДПМНЕ, Орце Ѓорѓиевски, за градење надвор од постоечки ДУП, одговори потврдно дека тоа е кривично дело.
„Хипотетичка ситуација, има постоечки ДУП, а тоа место за одредена локација е предвидено четири ката и поткровје, според нов ДУП таму е предвидено 5 ката и поткровје, инвеститорот гради пет ката и поткровје. Дали е тоа кривично дело?“, праша Ѓорѓиевски.
На тоа Филип Темелковски изјави „Да“, односно дека тоа е кривично дело.
По таквиот одговор Ѓорѓиевски истакна дека за истото имало и прес конференција и дека има барем десетина локации на кои се гради на тој начин.
„ Ова се десетина локации каде Темелковски знаете, ова е само едно кривично дело за кое после ревизијата ќе одговарате“, рече Ѓорѓиевски.
