Ќе соработувам со сите за да се спротивставам на лошите политики на власта“ рече денеска претседателот на СДСМ, Венко Филипче на 30-от партиски конгрес и изјави дека СДСМ ќе го вратат на победничките патеки.
Челникот на опозициските социјалдемократи додаде дека тој нема волшебно решение преку кое СДСМ ќе стане владејачка партија.
Наведе дека е потребно многу работа и дека да се води државотворна партија е посложено од операција. Порача дека со многу критики се согласува и тие ќе бидат водилка, а за поразот на изборите, рече дека не е крај, туку нова шанса.
„Точно е дека ЕУ и НАТО не се мачкаат на леб, граѓаните сакаат ефикасна држава“, додаде Филипче.
Смета дека биле сервилни кон коалицискиот партнер, не се справиле до крај со криминалот на претходниците.
