Фирмите на Зоран Заев со годишна заработка од два милиони евра

Два милиони евра во 2012 година чиста добивка оствариле 14 фирмите со кои раководи, е во корелација или се во сопственост на семејството Заеви, покажуваат податоците и завршните сметки до кои што дојде Нетпрес.

Додека Зоран Заев и СДСМ постојано обвинуваат и тврдат дека постои загрозување на слободата, недосиг на демократија вклучително и пазарна демократија, Заеви оствариле чиста заработка од цели 2 милиони евра за само една година работа. Полниот џеб на Заеви кажува дека праксата е сосема спротивна од она што секојдненво го говори СДСМ на митинзи и на јавни настапи. Но и дека „ситните тендерчиња” за кои Заев велеше дека одат преку општина до неговите фирми и не биле воопшто така мали.

Зоран Заев во декември 2013 година изјави дека сеуште спаѓа во средната класа иако неговото семејство остваруваат заработка од 2 милиони евра за една година.

„Лично јас спаѓам се’  уште во средната класа, но доаѓам од богато семејство, кое има 820 вработени. Kапиталот е проценет на шест-седум милиони евра, во кредити се исто толку пет-шест милиони евра, апсолутно влезени да се докажеме пред општеството обидувајќи се редовно да дадеме плата и да ги платиме даноците на државата и да генерираме нови производи, нови продукции, кои значат нови инвестиции. С` што имаме е овде во Македонија. Мојот анкетен лист е реално достапен на јавноста. Мојот личен имот заедно со моите и со возилата на сопругата вреди 60-70-80 илјади евра“, изјави Заев неодамна во интервју за МТВ.