Европската комисија се надева дека санкциите на Европската унија противи Русија поради војната во Украина „ќе ја турнат руската економија во рецесија со децении“, изјави во вторникот челничката на ЕК, Урсула фон дер Лејен во говорот на Светскиот економски форум во швајцарски Давос.
„Ние ги наметнуваме најсилните санкции против Русија, кој ќе втурнат економијата на земјата во рецесија со децении, а нејзината индустрија е лишена од секакви модерни и критични технологии“, тврди фон дер Лејен.
Шефицата на извршното тело на ЕУ, во обраќањето пред глобалните лидери во Давос порача и дека Унијата ќе „истрае колку и да е потребно и ќе биде со своите украински пријатели“.
Исплатата од првата транша од три милијарди евра помош за Украина од вкупно 18 милијарди евра вредниот пакет во вторникот е „силна порака“ со цел да се помогне во украинската финансиска стабилност, рече уште фон дер Лејен.
Рече и дека ЕУ ќе продолжи да ја помага Украина да го обнови снабдувањето со електрична енергија, во греењето и водата по руските ракетни напади, како и дека Брисел долгорочно ќе го помага обновувањето на земјата.
