Формула 1 ќе продолжи да ја одржува трката за Големата награда на Монако до 2031 година, беше објавено во четвртокот.
Култната трка по улиците на Монте Карло, која е во календарот на Формула 1 од 1955 година, според договорот потпишан од Автомобилскиот клуб на Монако (ACM), ќе се одржува уште шест години во кнежевството.
Формула 1 додаде дека трката ќе се одржи на првиот целосен викенд во јуни од 2026 година наваму, поместувајќи се од крајот на мај кој се преклопуваше со трката во Индијанаполис.
