Принцезата од Велс, Кетрин Мидлтон, се врати во јавниот живот со тоа што му се придружи на кралското семејство на официјалната прослава на роденденот на кралот Чарлс Трети, по повеќемесечнот отсуството поради лекување од рак.
Масата приврзаници на кралското семејство ја бодреше Кејт и нејзините три деца – принцот Џорџ, принцезата Шарлот и принцот Луис – додека го напуштаа Бакингемскиот дворец во поворката со кочии.
Тие се упатија на годишната воена парада „Trooping the Color“ во Лондон за да му оддадат почит на монархот, иако неговиот вистински роденден е 14-ти ноември.
Откако го помина поголемиот дел од годината занимавајќи се со дијагнозата и примајќи тековни третмани со хемотерапија, идната кралица изгледаше опуштено додека таа и нејзиното семејство патуваа по една од најпознатите лондонски сообраќајници во државно застаклено возило.
Таа беше опкружена со други членови на семејството. Кејт во петокот пореча дека „добро напредува“ со третманот, но искрено призна дека има „добри и лоши денови“.
