Претседателот на владата на Република Македонија задолжен за проведување на парламентарните избори Емил Димитриев се потпиша во Книгата на жалост за жртвите во нападите во Брисел.
Во просториите на ЕУ-инфо центарот во Скопје вчера беше отворена книга на жалост за загинатите во терористичките напади во Брисел.
Според официјална информација од белгиските власти, во двата терористички напади што се случија на бриселскиот аеродром „Завентем“ и на метро-станицата Малбек, загинале вкупно 31 лице, а 300 се ранети, од кои 150 се уште се во болница. Белгија прогласи тридневна жалост за жртвите во нападите.
Одговорноста за нападите во Брисел ја презеде Исламска држава.
