Налетот на бурата Иша резултираше со смрт на две лица на патиштата во Обединетото Кралство, каде во понеделникот десетици илјади домови сè уште се без струја, а слична е ситуацијата и во Ирска.
Полицијата на Шкотска во понеделникот повика очевидци порди информацијата за загинувње на 84-годишен возач чиј автомобил удрил во паднато дрво пред Единбург. Во слична несреќа во Северна Ирска во неделата вечерта загинал 60-годишен возач, соопшти полицијата.
Во Обединетото Кралство во понеделникот напладне без струја останаа 46.500 потрошувачи, а порано струја добија 323.000 домаќинства. Повеќе од 155.000 домови и деловни објекти сè уште беа без струја во Ирска попладнето, објави компанијата за испорака на електричната енергија, велејќи без струја утрото биле 235.000 домаќинства.
Околу 150 летови, или 25 отсто од воздушниот сообраќај, беа откажани на аеродромот во Даблин во неделата, но летовите беа обновени во понеделник претпладнето.
Црвено предупредување е издадено во Шкотска поради силните ветрови во текот на ноќта. Во понеделник наутро немаше возови поради паѓање на дрвја на шините и поради поплави. До крајот на денот се очекува воспоставување на железнички сообраќајни врски. Десетици училишта се затворени низ Шкотска.
Според податоците на британската метеоролошка служба, Метеоролошката служба, ветрови кои дуваат со брзина до 160 километри на час се забележани во североисточниот дел на Англија. Иша е деветта бура од септември, по што метеоролозите ја предвидуваат бура Џоселин, која во вторник и среда ќе донесе силен дожд и силен ветер во Ирска и Обединетото Кралство.
