Жителите на општина Ѓорче Петров добија уште две нови спортски катчиња, со што финишираше проектот за поставување на пет мултифункционални вежбални.
Првата ваква вежбална пред три месеци се постави како дел од мултинаменското игралиште на улицата Христо Батанџиев, а потоа вежбални од овој тип се поставија во населбата Хром кај популарната „полјана“ и во Дексион на локалитетот Јурија.
Изминатите денови, како што информираат од советничката група на ВМРО-ДПМНЕ, се поставија вежбални во урбаната заедница Мирче Ацев, поточно во училиштето „Мирче Ацев“ и во склоп на повеќенаменското игралиште во населбата Даме Груев со што се финализираше овој проект.
Од советничката група истакнаа и дека во општината Ѓорче Петров постојано се инвестира во објекти од овој тип, се со цел да се доближи спортскиот живот до секој жител на општината.
Покрај овие мултифункционални вежбални во општина Ѓорче Петров до сега се изградени и уште три повеќенаменски игралишта за фудбал, кошарка и ракомет, а во завршна фаза е уште едно.
Овие мултифункционални вежбални се реализираат по барање на младите од Ѓорче Петров.