ФОТО| Една жртва во потонувањето на британска едрилица кај Палермо, се трага по уште шест лица

Едно лице загина а по шест други се трага откако луксузна јахта потоната во невремето во близина на главниот град на островот Сицилија, Палермо, објавија италијанските медиуми.

Италијанските противпожарни и крајбрежни служби претходно соопштија дека нивните нуркачи трагаат по седум исчезнати лица, без веднаш да соопштат дека е пронајдено едно тело.

Луксузната јахта долга 56 метри, регистрирана во Велика Британија, потонала во мугрите со 22 лица, 10 членови на екипажот и 12 патници, кога силното невреме ја зафати областа, соопшти крајбрежната стража.

Меѓу исчезнатите има и британски, американски и канадски државјани. Осумтемина спасени, меѓу кои и едногодишно дете, се пренесени во болница и сите се стабилни, јавуваат локалните медиуми.

Un modello della Bayesian di Perini Navi, come la barca a vela affondata nel palermitano. ANSA/Perini Navi ANSA PROVIDES ACCESS TO THIS HANDOUT PHOTO TO BE USED SOLELY TO ILLUSTRATE NEWS REPORTING OR COMMENTARY ON THE FACTS OR EVENTS DEPICTED IN THIS IMAGE; NO ARCHIVING; NO LICENSING +++ NPK

Едрилицата наречена „Bayesian“, неколкупати наградувана за нејзиниот дизајн, ја изгради италијанското бродоградилиште Перини во 2008 година. Испловила од сицилијанското пристаниште Милацо на 14 август, а во неделата вечерта била во близина на Палермо.