ФОТО I На Бен Афлек и Џенифер Лопез бракот им виси на конец

Кога првпат беа во врска ѕвездите Бен Афлек и Џенифер Лопез, Афлек едноставно не можеше да остане во чекор со папараците кои демнеа околу него и Џенифер Лопез и реши да ја прекине врската со славната пејачка. Но папараците продолжија да ја прогонуваат двојката во секоја прилика и денес, по повеќе од 20 години. На тоа прашање навистина ништо не се промени. Бен и Џеј Ло решија уште еднаш да се обидат во љубовта, па дури и направија венчавка. Но, најновите интеракции меѓу двојката во јавноста даваат мала претстава низ што поминува Бен Афлек со неговата нова сопруга. Во текот на минатата недела, имаше неколку клучни моменти кои открија што навистина би можело да се случува меѓу двете славни личности.

Првата јавно покажана нервоза од страна на Бен беше кога тој ѝ ја тресна вратата од автомобилот на Џенифер додека папараците беа блиску до нив и се обидуваа да ги фотографираат. Афлек не изгледаше баш расположен, напротив, а не за време на премиерата на филмот „Мајката“ (The Mother) во кој глуми неговата сопруга, нервозата му се читаше дури и од лицето. Во одреден момент Бен делуваше уште повознемирено и ѝ „списка“ на Џенифер Лопез пред сите. Сцената се случи на црвениот тепих на премиерата на филмот и беше забележана од фановите, па предизвика шок на социјалните мрежи. Фановите заклучија дека очигледно, Бен Афлек почнува да покажува слично однесување како од времето во кое првпат беше во врска со Џенифер Лопез. Не е тешко да се сфати дека Бен Афлек сака повеќе приватност отколку што ја добива.

Англиски The Mirror ангажираше експерт за говор на телото кој зборуваше за интеракциите на Бен Афлек и Џенифер Лопез. Џуди Џејмс е убедена дека овие два испади на глумецот би можеле да бидат показател дека парот е осуден нивната врска да не трае уште долго.

„Нивната претходна разделба ја остави Џенифер со „скршено срце“ и таа тогаш се изјасни дека  „да се биде под опсада“ од новинарте им предизвикало проблем како двојка“, објаснува Џени и вели дека „Бен е доволно збунет“ и сега, и затоа ѝ ја треснал вратата на Џенифер. Но експертката за говор на тело вели и дека глумецот е нервозен што е постојано под окото на папараците, дури и кога оди да испие кафе.

ПОВРЗАНИ НАПИСИПОВЕЌЕ ОД АВТОРОТ