Актерот Силвестер Сталоне и неговата сопруга Џенифер Флавин неодамна беа на одмор во Италија.
Славниот пар го привлече вниманието со своето весело однесување. На фотографиите кои ги снимија странските медиуми, парот ужива, а Сталоне на шега ги покри градите на сопругата за да нема незгодни ситуации пред папарацо фотографите.
Флавин носеше син костим за капење и црни очила за сонце, додека Сталоне реши да влезе во водата со црна маица и шорцеви за капење.
Патувањето на парот во Италија доаѓа речиси една година откако Флавин поднесе барање за развод во август 2022 година по 25 години брак. Сепак, нивните претставници одговорија дека се откажале од разводот.
Недолго потоа Сталоне изјави дека сега на прво место е неговото семејство, со кое неодамна го сними реалното шоу „The Family Stallone“. Во оваа емисија тој го претставува својот живот со трите ќерки Софија (26), Систин (25) и Скарлет (21).
