Кратовчани вечерва со јасна порака дека историјата е историја и таа неможе да се менува. Она што во моментот го има Бугарија а го нема Македонија е заеднички став на сите, истакна во понеделникот пратничката на ВМРО-ДПМНЕ, Жаклина Пешевска, од протестот во Кратово кој се одржува истовремено во 11 македонски градови, а против ставовите и тајноста на премиерот Зоран Заев во преговорите со бугарската страна.
„Овие прашања за кошто сега за разговара и се договара требаше да бидат прашања по кои сите партии од власта и од опозицијата ќе имаат заеднички изграден став и поставени црвени линии над кој нема да може да се помине“, посочи Пешевска.
Со жалење, како што рече, констатирала дека ВМРО-ДПМНЕ како опозиција е потполно исклучена и како најголема партија во земајта информациите за преговорите и договорите на релација Скопје – Софија ги добива, исто како и сите граѓани, единствено преку медиумите.
„И во една таква ситуација кога опозицијата е обезправена да земе учество во важни процеси за Република Македонија а притоа тие процеси се на штета на нашиот индентитетот и историјата, тогаш решението е улицата. Протести со цел да се чуе гласот на македонскиот народ на кого навистина му е дојдено преку глава од понижувања и виткање на кичма“, посочи Пешевска
Порача дека сѐ додека не се запре со штетните политики на грбот на македонскиот народ, место на партијата и на граѓаните ќе биде на улиците.
