Новак Ѓоковиќ е најбаранта личност во олимпиското село во Токио каде Србинот последните неколку дена беше „цел“ на спортистите ширум светот кои чекаа на ред да дојдат до фотографија со најдобриот тенисер на светот.
Харизматичниот Србин не одби ниту еден колега, а успеа да направи и „шоу“ откако влезе на гимнастичарски тренинг на репрезентативките на Белгија. Воодушевена беше целата селекција, а светската и европска шампионска Нина Дерваел фотографијата ја објави на својот Инстаграм профил.
