Припадникот на амероканската воздушна Национална гарда, обвинет за објавувањето на социјалние мрежи доверливи воени документи има историја на насилни закани, истражувал масовни престрелки и се обидел да уништи докази за неговите злосторства, соопштија федералните обвинители во средата.
Во поднесокот од 48 страници, Министерството за правда наведува дека 21-годишниот Џек Тешира треба да биде приведен во очекување на судењето, истакнувајќи дека неговата насилен говор и очигледните напори да ги уништи доказите „го зголемуваат ризикот од бегство и опасност“.
Обвинителите во четврток попладне пред судот ќе ги изнесат аргументите за притвор.
Адвокатите на Тешира не го коментираа случајот и се очекува на сослушувањето во четврток да расправаат дека тој не треба да биде приведен пред судењето.
Во поднесокот, кој вклучува и фотографии од спалната соба на осомничениот од претресот на припадниците на Федералноо биро за истраго (FBI) во неговиот дом, се вели дека во јули 2022 година тој го користел својот владин компјутер за да бара информации за познати масовни престрелки користејќи термини за пребарување како „Увалде“, „Руби Риџ“ и „Пукање во Лас Вегас“.
При претрес во неговиот дом, агентите пронашле скршен таблет компјутер, лаптоп и конзола за игри во контејнер за опад. Покрај тоа, обвинителите наведуваат дека откриле докази дека Тешира им наредил на другите корисници на групата за разговор „да ги избришат сите пораки“.
Тешира беше обвинет на почетокот на овој месец за едно обвинение за кршење на законот за шпионажа поврзано со нелегално копирање и пренесување на чувствителен одбранбен материјал, и друго обвинение поврзано со незаконско отстранување на одбранбен материјал на неовластено место. Доколку биде прогласен за виновен, обвинителите рекоа дека може да се соочи со затворска казна до 25 години.
Се верува дека овој случај е најсериозното нарушување на безбедноста на САД откако повеќе од 700.000 документи, видеа и дипломатски телеграми се појавија на веб-страницата на WikiLeaks во 2010 година. Пентагон го нарече истекувањето на „криминално дело со умисла“.
Обвинителите, исто така, наведуваат дека во февруари 2022 година, Тешира почнал да пристапува до стотици доверливи документи кои не се поврзани со неговата работа и дека околу декември 2022 година почнал да објавува некои од доверливите информации на социјалните мрежи.
„Штетата што обвинетиот веќе ѝ ја нанесе на националната безбедност на САД е огромна. Штетата што обвинетиот сè уште може да ја предизвика е исклучителна“, се вели во документот.
Доверливите документи содржеа широк опсег на високо доверливи информации за сојузниците и противниците, како што се детали кои се однасуваат на воздушната одбрана на Украина и израелската шпионска агенција Мосад.
Покрај доказите дека Тешира се обидел да ги попречи доказите и да влијае на сведоците, обвинителите рекоа дека тој има проблематична историја која датира од неговите тинејџерски години. Кога имал 18 години, неговото барање за дозвола за огнено оружје било одбиено поради забелешките што ги дал додека бил во средно училиште за „оружје, вклучително и молотови коктели, оружје на училиште и расни закани“.
Тој, исто така, давал насилни коментари за едно убиство на социјалните мрежи, вклучително и една објава во ноември 2022 година во која навел дека ако може, ќе „убие еден тон луѓе“, бидејќи тоа ќе биде „убивање на слабоумните“.
Според поднесокот, во февруари 2023 година, Тешира побарал совет за тоа каков тип пушка ќе биде лесна за ракување од задниот дел на паркираното возило против „цел на тротоар или трем“ од куќа.
Обвинителите велат дека нашле и докази дека Тешира на другите им признал на интернет дека информациите што ги објавува биле доверливи.
