На синоќешните протести пред македонската Влада беа повредени 38 полициски службеници. Најголемиот дел од нив завршија во болница.
Порталот „Курир“ објави фото галерија во која добро може да се види епилогот од синоќешните„мирни и ненасилни“ партиски протести.
На оваа фотографија се гледа дека од удар примен од насилната толпа, еден полицаец е повреден во дланката и крвари.
Со камења, шишиња, шипки, јајца, домати, бекатон плочки демонтрантите удираа и фрлаа по полициските службеници.
По протестите, демонтрантите оштетиле седум службени возила, а од полициската опрема оштетени се 22 штита, 5 шлемови, еден елек, штитник за нога и една радиоврска. Освен тоа нанесена е штета на фасадата на Владата на Република Македонија, но демолирани се и стаклата на објектот на Радио Слободна Македонија.
