Белгиецот Мохамед Абрини, кој беше баран од полицијата и за кого се верува дека е „човекот со шапка“ или „човекот во бело“ кој се товари за нападите во брислескиот аеродром Завентем вчера беше уапсен во Андерлехт.
Белгиската телевизија ДХ објави фотографии од апсењето на Абрини одблиску. Абрини беше баран ипоради сомнение за поврзаност со терористичките напади во Париз минатата година, но и со нападите од Брисел од 22-ри март годинава.
31-годишниот Абрини беше на листата на најбараните луѓе во Европа, а идентификуван е со помош на надзорните камери.
На тие снимки, направени на два дена пред нападите изведени на 13-ти ноември во кои загинаа 130 лица во Париз, Абрини се наоѓа во автомобил заедно со Салах Абдеслам, најважниот преживеан терорист кој учествуваше во крвавите напади во француската престолнина.
Абдеслам беше уапсен во Брисел пред две недели, четири дена пред припадници на ИД и негови познаници да го изведат нападот во истиот град.
Инаку на интернет се појави и видео снимка од апсењето на Абрини. Видеото можете да го погледнете на следниот линк.
