ФОТО: „Шарли Ебдо“ со шокантна насловна страница по нападите во Брисел

„Шарли Ебдо“ повторно ја шокира светската јавност. На насловната страница на најновиот број на францускиот сатиричен неделник „Шарли Ебдо“ објавена е карикатура во врска со терористичките напади во Брисел.

Насловната страница во пресрет на пуштањето во продажба на неделникот утре, е објавена на Фејсбук страницата на „Шарли Ебдо“ и на неа може да се види познатиот белгиски поп-пејач Strome кој ја пее популарната песна “Papa ou t’es?“ („Тато, каде си?“).

Околу нацртаниот лик на пејачот има нацртани расфрлани делови од човечко тело и пишува „Тука, тука, и тука“.

На социјалните мрежи се појавија жестоки реакции поради најновата насловна страница на познатиот француски магазин.