Северна Кореја ќе го обнови меѓународниот туризам во североисточниот град Самџијoн во декември, а можеби и во остатокот од земјата, објавија во средата туристичките агенции.
Ова сугерира дека затворената земја се подготвува повторно да ги отвори своите граници за поголеми групи странски туристи по повеќегодишни строги гранични контроли поради пандемијата на ковид-19.
„Добивме потврда од нашиот локален партнер дека туризмот во Самџијон и веројатно остатокот од земјата официјално ќе продолжи во декември 2024 година“, напиша на својата веб-страница агенцијата „Koryo Tours“ со седиште во Пекинг.
Меѓународните летови до и од Северна Кореја беа обновени минатата година, а мала група руски туристи приватно отпатуваа таму во февруари. Сепак, земјата не е целосно отворена за меѓународни туристи од 2020 година.
Северна Кореја гради, како што ја нарекува, „социјалистичка утопија“ во Самџијон, град во близина на кинеската граница и „модел на високоцивилизиран планински град“ со нови станови, хотели, ски-центар и комерцијални, културни и медицински објекти.
Во јули, севернокорејскиот лидер Ким Џонг-ун отпушти или деградираше некои високи функционери поради „неодговорно“ управување со неговиот главен проект во Самџијон.
