Синоќа беше тензично во просториите на Скопска „Комунална хигиена“. Вработените трет ден одбиваат да работат и да го собираат ѓубрето низ Скопје. Како што велат, бојкотираат оти директорката Мазнева не им ги продолжила договорите на стотина за кои таа вели дека со години се неработници, дел од нив и воопшто не доаѓале со години на работа, а се ангажирани со договор преку партиски врски.
Вчера на прес конференција директорката на ЈП „Комунална хигиена“, Косава Мазнева таа порача дека нема да толерира партиски војници неработници и манипуланти и дека нема да им ги продолжи договорите на околу 200 од нив.
Дел од вработените се солидаризирале со тие на кои им престанале договорите и ги спречувале и другите работници од трета смена да излезат и да го соберат ѓубрето од цело Скопје кое три дена се гуши во смет.
Тв 21 синоќа објави дека директорката ноќеска повикала полиција во дирекцијата на Комунална Хигиена и вршела притисок врз работниците да престанат со бојкотот и да одат на терен да работат.
https://www.facebook.com/portalb.mk/videos/6121607331301986