Православниот празник Богојавление-Водици вчера беше одбележан и во најголемата христијанска држава Русија, каде верниците се крштеваа на температура од -45 степени, додека температурата на водата изнесувала -19 степени.
Според руските медиуми, речиси 94 илјади луѓе вчера традиционално три пати се нурнале во реките, и покрај мразот. За да им овозможат на верниците да се искапат во осветените води во реката биле направени 54 отвори во дебелиот мраз.
Верниците веруваат дека со овој чин во чест на крштевањето на Исус годинава ќе имаат повеќе среќа и здравје. Од медицинските служби истакнале дека и покрај екстремните температури никој не се пожалил на влошена здравствена состојба.
