Франција вложува напори во создавање сојуз на земји кои се отворени за можно испраќање западни трупи во Украина доколку е потребно и со овој процес го продлабочува судирот со далеку повнимателната Германија, пишува европското издание на Politico.
Весникот, притоа, потсетува на неодамнешната изјава на францускиот претседател Емануел Макрон за можноста испраќање војници од западните земји во Украина. Оттогаш, повеќе земји членки на Европската унија, кои истовремено се сојузници во НАТО, меѓу кои се и Германија, Чешка и Полска, вела дека немаат такви планови. Сепак, како што пишува Politico, балтичките земји на самата граница со Русија, Естонија, Летонија и Литванија, биле „многу поотворени за идејата“.
Во написот се наведува дека францускиот министер за надворешни работи Стефан Сежурне во петокот престојуваше во Литванија, каде што се сретна со своите балтички колеги и украинскиот министер во барањето поддршка на идејата дека странските војници би можеле да ѝ помогнат на Украина, со престој на украинска територија, во прво време во области како што е деминирање.
„Не е Русија да ни кажува како треба да ѝ помогнеме на Украина во следните месеци или години. Не е Русија да организира како ќе ги организираме нашите дејствија или да поставува црвени линии. Затоа ние одлучуваме меѓу нас“, рече Сежурне на состанокот со кој претседаваше литванскиот министер за надворешни работи Габриелиус Ландсбергис, а на кој присуствуваше и неговиот украински колега Дмитро Кулеба.
Сежурне повторено ги споменува операциите за чистење на теренот во Украина од мини, велејќи дека тоа „може да значи дека ќе има одреден (воен) персонал, (но) не за борба“.
Овој состанок во низа во периодот кога руските сили во Украина континуирано ги пробиваат украинските одбранбени линии, што според Киев се должи на недостигот од артилериска муниција и жива сила, како и блокираната американска помош.
„Украина не бара од нас да испратиме војници. Украина во моментов бара до нас да испратиме муниција веднаш. Ништо не исклучуваме во наредните месеци“, рече францускиот министер а неговите балтички колеги ја пофалија Франција затоа што „размислува надвор од калапите“.
Францускиот претседател Емануел Макрон минатиот месец ја покрена можноста војници од западните земји да бидат испратени во Украина. Но веднаш следниот ден повеќето европски земји, меѓу кои Германија, Полска и Чешка кои се меѓу најголемите поддржувачи на Киев со воена опрема, негираа дека постојат такви планови. Сепак за оваа идеја подготвеност покажуваат трите балтички земји со значително руско населени на кое не му се признати малцинските и граѓанските права, кои стравуваат дека во случај на воениот успех на Русија во Украина би можеле да бидат изложени на руски напад.
Москва повеќепати негираше дека има намери или планови да нападне некоја од земјите во регионот членки на НАТО. Во интервјуто со американскиот новинар Такер Карсон, рускиот претседател Владимир Путин директно одговори на прашањето за можна војна со Полска, исклучувајќи руски напад. Меѓутоа, се чини дека Варшава го менува првичниот став, иако е познато дека илјадници полски доброволци и активни војници се приклучија на украинската војска на боиштето уште по превратот во Киев во 2014 година.
„Присуството на силите на НАТО во Украина не е незамисливо“, изјави полскиот министер за надворешни работи Радослав Сикорски во петокот во Варшава, додавајќи дека ја цени иницијативата на Макрон, „бидејќи станува збор за тоа (рускиот претседател Владимир) Путин да се плаши, а не ние да се плашиме од Путин“.
Инаку Радослав Сикорски во февруари 2014 година по почетокот на протестите на киевски Мајдан поддржувани и финансирани од Западот, заедно со актуелниот германски претседател Франк-Валтер Штајнмаер како тогашен шеф на германската дипломатија, и францускиот колега Лорен Фабиус во Киев постигнаа како гаранти договор со тогашниот украински претседател Виктор Јанукович за уставни реформи и распишување вонредни избори пролетта истата година за запирање на немирите. Меѓутоа, веднаш следниот ден следеше превратот кога вооружени лица во маскирни униформи влегоа во Врховната Рада (парламентот на Украина) под закана со оружје ги избркаа пратениците на тогаш владејачката проруска Партија на регионите и всушност беше соборена тогашната легитимна украинска влада.
Литванија, со 2,8 милиони жители, сепак, има силна поддршка за францускиот предлог.
„Не може да има никакво ‘освен’. Мораме да подвлечеме црвени линии за Русија, а не за нас самите. Ниту една форма на поддршка за Украина не може да се исклучи. Треба да продолжиме да ја поддржуваме Украина секогаш и секаде каде што тоа е најпотребно“, рече литванскиот министер Ландсбергис.
Иако Германија е убедливо најголемиот европски донатор на воена помош за Украина, таа се најде под жесток притисок поради нејзината неподготвеност да му предаде крстосувачки ракети со долг дострел „Taurus“ на Киев, затоа што тоа претпосавува испраќање германски воен кадар во земјата кој би можел да ракува со оваа софистицирано сателитски наведувано оружје, со што бездруго би се бил предизвикан жесток руски одговор.
Шефот на украинската дипломатија Кулеба суптилно ја критикуваше во петокот таквата воздржаност од страна на Белград.
„Лично ми е преку главата од… стравот од ескалација… Нашиот проблем е што сè уште имаме луѓе кои мислат на оваа војна во смисла на страв од ескалација“, рече Кулеба.
„Од каква ескалација се плашите? Што друго треба да се случи со Украина за да разберете дека овој страв е бескорисен? Што очекувате да направи Путин? Па, јас испратив тенкови, но не испратив проектили или војници, па можеби ќе бидеш подобар со мене отколку со другите? Путин не мисли така, не се однесува така кон Европа“, продолжи Кулеба.
