Инцидентот се случи во мечот од првото коло на Премиер лигата кога Челзи беше домаќин на Свонси и киксираше, играјќи нерешено 2:2.
Во последните моменти, кога имаше надеж дека лондонскиот тим може да дојде до другите два бода, Азар се повреди и Карнеиро истрча на теренот да му укаже помош. Но, тоа не му се допадна на Мурињо кој сметаше дека на Белгиецот не му е ништо и дека Челзи само губи време, па ја опцу докторката.
Веднаш по мечот, таа доби и суспензија, а пред десетина дена го напушти Челзи со најава за тужба против клубот. Сепак, Фудбалската асоцијација на Англија не најде елементи за истрага против Мурињо и тој ќе продолжи да си ја извршува својата работа.
Ако беше прогласен за виновен, му се закануваше суспензија од пет натпревари.
