Европското фудбалско првенство 2024 ќе донесе значителни краткорочни економски придобивки за Германија, особено во туризмот, угостителството, транспортот, малопродажниот и услужниот сектор, со повеќе од две милијарди евра, покажуваат пресметките на аналитичарите на платформата за тргување Freedom24.
„Се очекува најголемата европска економија да порасне за околу 0,3 отсто оваа година, побавно од другите големи индустриски нации, но шампионатот може да даде краткорочен поттик за туризмот и секторите поврзани со услугите. Се проценува дека Германија ќе има повеќе од две милијарди евра на приходите, а најмногу ќе придонесат туризмот и угостителството“, се посочува во анализата објавена во четвртокот.
Се наведува и дека фудбалското натпреварување на европските репрезентации може да има позитивен психолошки и индиректен ефект врз германската економија. Ваквите настани можат да го подобрат националното расположение и да го подобрат имиџот на земјата домаќин. Успешното Европско првенство и спортски и организациски може да ја зголеми атрактивноста на дестинацијата, се наведува уште во анализата.
Гледајќи ги историските резултати, приходите од Европското првенство на УЕФА покажуваат постојан раст.
Така, во 1992 година на првенството во Шведска дополнителниот приход изнесувал 40,9 милиони евра, во 1996 година во Англија приходите се зголемиле на 147,3 милиони евра, (…) во 2008 година со домаќини на Швајцарија и Австрија приходите биле достигна 1,35 милијарди евра, на фудбалската изложба во Франција во 2016 година изнесуваше 1,92 милијарди евра, додека на ЕП 2021, и покрај предизвиците на пандемијата, тие изнесуваа 1,9 милијарди евра.
