Германското Сојузно биро за борба против криминалот (BКА) во петокот издаде предупредување поради заканата од напади врз израелските институции во Германија и на претставништвата на земјите кои го поддржуваат Израел овој викенд, на што повикала терористичката организација Хамас.
„Засега немаме индиции за конкретни предмети, но опасноста е зголемена“, потврдија од BКА.
Причина за зголеменото ниво на безбедност се повиците на палестинското радикално движење Хамас преку социјалните мрежи за опсади врз израелските претставништва во странство. Хамас повикува и на опсади на амбасадите на земјите кои го поддржуваат Израел, вклучително и Германија.
Поточно, преку платформата Telegram се повикува на опсада на дипломатските претставништва на „ционистичкиот естаблишмент како и на земјите кои го поддржуваат“.
По нападот на Хамас врз Израел на 7 октомври 2023 година, бројот на напади со исламистичка и антисемитска заднина остро се зголеми во Германија. Врв на овој тренд во Германија беше нападот кој се поврзува со тоа во Солинген на крајот од август, кога сириски бегалец уби осум лица.
Неодамна, близу Берлин, беше уапсен и либиски бегалец кој наводно планирал напад врз израелската амбасада во германската престолнина.
Истражните органи забележале и зголемено консумирање материјали со исламистичка содржина, особено кај помладите мажи.
