Германското стопанство со години ќе трпи последици од руската воена акција во Украина, која речиси подеднакво долго ќе ја поткрепува и високата инфлација, предупреди економистот Марсел Фрацшер од Германија од Германскиот институт за економски истражувања (DIW).
Влијанието на војната би можело да се чувствува сѐ до 2025 година, кога Германија според владините процени би требало целосно да се ослободи од зависноста од рускиот гас, вели Фицшер, чијшто институт ја советува сојузната влада во макроекономската политика.
Германија со децении напредуваше благодарејќи во многу и на сигурното е евтино снабдување со руски енергенси, во прв ред гасот, а сега под влијание на одлуките на Европската унија и САД за санкции против Русија поради војната во Украина, се обидува да пронајдени нови правци на снабдување.
„Војната во Украина му нанесе огромна штета на германското стопанство“, вели Фрацшер во интервјуто за агенцијата Reuters, додавајќи дека активностите годинава ќе порасне можеби само за 1,5 отсто, во споредба со 4,5 отсто прогнозираните во јануари.
Војната речиси подеднакво долго ќе влијае и врз инфлацијата во Германија, преку високите цени на енергијата, додава германскиот економски стручњак, отфрлајќи ги сепак сугестиите дека би требало да се заузди растот на платите.
„Синдикатите денеска не се силни, како што беа во 1970-те години. Не гледам знаци за спирали на платите и инфлацијата, ниту во следните години“, појаснува Фитцшер потсетувајќи дека прогнозираниот 4,5-процентен раст на платите оваа година ќе биде значително послаб од инфлацијата која се движи над 8 отсто.
