На германските индустриски компании им е сè потешко да се натпреваруваат на европските и странските пазари, покажа истражувањето на институтот ifo објавено во вторникот.
Германските компании во индустрискиот сектор се жалат на губење на пазарите во Европската унија од третиот квартал на 2022 година и во остатокот од светот од првиот квартал на 2022 година, покажува месечното истражување на институтот со седиште во Минхен.
„Германската индустрија сѐ потешко конкурира“, вели водачот на истражувањето на Ifo, Клаус Вохрабе.
Речиси сите индустрии известиле дека нивната конкурентна позиција се влошила во првиот квартал од 2024 година во споредба со претходните три месеца.
Единствен исклучок се фармацевтската и дрвната индустрија, со исклучок на производителите на мебел, забележуваат истражувачите на институтот. На пазарите надвор од ЕУ, пак, единствен исклучок е индустријата за пијалоци.
Сѐ повеќе германски компании се изложени на притисок и на нивниот домашен германски пазар, открива институтот.
„До крајот на 2022 година, повеќето компании речиси постојано постигнуваа добри резултати на домашниот пазар, но тоа се промени пред една година“, открива институтот.
