Бездомник од Германија починал на ватиканскиот Плоштад на свети Петар во Рим, објави Ватикан.
Мажот, роден 1961 година во Германија, бил пронајден мртво во петокот утрото под познатите колонади покрај Базиликата на свети Петар. Живеел на улиците на италијанската престолнини Рим и за него се грижеле црковни институции.
Поглаварот на Римокатоличката црква, папата Франциск, „со болка“ ја примил веста за смртта на човекот, објави во петокот портпаролот на Ватикан, Матео Бруни.
„За жал, студот и дождот последните неколку ноќи ја влошиле неговата состојба на којашто оставил траги животот на улиците“, додаде Бруни додавајќи дека папата се моли за покојните и за сите бездомници во Рим и ширум светот.
Бројни бездомници секоја ноќ спијат околу Плоштадот на свети Петар, а неколку организации се грижат за нив. Како што објави официјалниот портал Vatican News, Германецот бил пронајден мртво покрај столб на плоштадот.
