Пролетта веќе пристигна, а летото е на прагот. Ако веќе сте во потрага по нова облека за оваа сезона, добро би било да знаете кои се десетте главни трендови што ќе бидат во мода оваа сезона.
-
Кариран дезен
Овој дезен не е некоја новина во светот на трендовите. Карираниот дезен се носеше и претходно, но овој пат дизајнерите најдоа нов начин за негова презентација, во вид на помалку флуидни рабови, линии што на моделите им пружаат една ретро нота. Меѓу моделите доминира црно-белиот кариран дезен, како и оној во топла комбинација на мед, песок и ванила.
-
Суптилни седумдесетти
Секоја сезона една декада мора да доминира. Во претходните сезони колекциите беа обоени во силуетите од 50-тите и 60-тите, а оваа пролет во мода ќе бидат опуштените 70-ти. Подгответе се за фустан – туники од превртена кожа, за микс од силни и загасени бои, доминација на класичниот џинс и за играта на пропорциите.
-
Необична интерпретација на животиснките мотиви
Класичниот животински принт беше голем тренд за сеозната есен – зима. Сепак оваа пролет ќе биде во тренд суптилната верзија.
-
Минималистички спортски изглед
За продорот на спортските модели најзаслужен е Александар Ванг, но по неговите чекори тргна и огромен дел од дизајнерите што токму за пролетната сезона беше инспирирана од спортската облека.
-
Превртена кожа во боја
Времето кога во летниот период носевме лесни материјали по се изгледа дека е зад нас, затоа што, верувале или не, кожата и потоа продолжува да биде во тренд и во престојната сезона. Единствено нешто што се менува е типот на материјалот, односно сега во мода ќе биде превртената кожа. За среќа, сезонава ќе доминираат пастелни и ведри бои со многу малку црвена и жолта како сенф.
Повеќе трендови на следната страница…
