Стрелец
Љубов: Ќе трчате кон врвот како да нема утре во текот на 2016 година и нема да се задоволувате со ништо помалку од лидерската позиција, но постојано ќе сакате да имате стабилна личност покрај себе. Ниту една авантура нема да сакате да започнете сами, што е малку невообичаено за вас.
Новата година ќе ви започне страсно и романтично. Под влијание на Венера, планетата на љубовта и убавината, која ќе престојува во вашиот знак до 23 јануари, за време на празничниот период ќе ве обземе силна страст која ќе резултира со жешки средби со саканиот, или пак, ќе се израдувате на прстен на раката. За некои сингл стрелци празниците ќе донесат почеток на нова врска со огромен потенцијал.
Јупитер, планетата на среќата и оптимизмот, ќе помине повеќе од 8 месеци во вашата 10-та куќа на долгорочното планирање и мажите. Нема да сакате ни да помислите на влегување во врска ако таа не ви ветува дека ќе трае долго. Авантурите за една ноќ ќе отсуствуваат во овој период. Голема е веројатноста да го запознаете господин Совршен на работното место или за време на деловно патување. Некои стрелци ќе бидат освоени од повозрасна личност, затоа што Јупитер патува низ секторот на постарите и реализирани лица.
Сериозниот Сатурн цела година ќе престојува во вашиот знак, поттикнувајќи ве прво да се сакате себеси пред да очекувате од другите да го прават тоа. Изгледот ќе ви доживее голема трансформација, а харизмата ќе ви извира од џиновската самодоверба.
Насмевнете се, 2016 година ви приредува ретко, но убаво изненадување. И сексапилниот Марс и хармоничната Венера по двапати оваа година ќе го посетат вашиот знак, што ќе ве направи вистински среќници кога е во прашање љубовта. На моменти ќе се чувствувате како главен лик во романтичен филм.
Марс од 6 март до 27 мај и од 2 август до 27 септември ќе ви дава магнетизам кој ќе ги привлекува сите погледи. Ако нешто во минатото ве натерало да престанете да верувате во љубов, сега ќе сретнете лице кое ќе ви ја врати вербата и ќе ви покаже дека заслужувате да добивате многу внимание. Време е отворено да зборувате за вашите желби и потреби доколку сте во врска. Вашиот сакан ќе биде како маѓепсан од вашата привлечност и со задоволство ќе исполнува сè што ќе посакате од него.
Заедно со партнерот ќе трагате по забавни моменти во последните четири месеци од годината, односно откако среќниот Јупитер на 9 септември ќе започне 13-месечно патување во вашата 11-та куќа на пријателствата и групните активности. Некои сингл стрелци преку добар пријател ќе запознаат личност која вреди да ја пуштат во своето срце, додека други ќе се затрескаат во лице со кое се познаваат со години.
Венера вторпат ќе го посети вашиот знак на 18 октомври, приредувајќи ви три недели исполнети со љубовни средби, заведување и многу изненадувања кои ќе ви го растреперат срцето.
Уран до 2018 година ќе престојува во вашата романтична 5-та куќа. Нема да се плашите да експериментирате во љубовта.
Работа и пари: Јупитер, вашата планета владетел, до 9 септември ќе престојува во вашата 10-та куќа на кариерата, носејќи ви многу можности да блеснете во полн сјај на работното место. Ова можеби ќе биде најуспешната година за вас во последната деценија. Јупитер е планета на патувањата и образованието, па големи се шансите е во првите 8 месеци да добиете можност да заминете во странство.
Имајте предвид дека од 7 јануари до 9 мај Јупитер се движи ретроградно. Одолејте ѝ на желбата сè да извршувате сами и делегирајте задачи.
Мислите дека вашите планови се преамбициозни? Не грижете се, енергичниот Марс во голем дел од годината ќе ви ги полни батериите до максимум, овозможувајќи ви да бидете насекаде. Форсирајте ги амбициозните проекти.
Планетата-учител Сатурн цела година ќе ви одржува скапоцени лекции на професионален план, како на пример дека не треба да барате кратенки кон успехот и дека не треба да газите по туѓата гордост за да се истакнете. Оваа планета е за бавен, но сигурен напредок, па наместо да го избирате најголемиот залак на работното место, зграпчете неколку помали кои можете добро да ги „изџвакате“. Сатурн е во вашиот знак за да се увери дека ги ставате сите парчиња од сложувалката на правилното место.
Плутон, планетата на трансформацијата, е на половина од своето 16-годишно патување во вашата 2-ра куќа на работата и парите. Имајте предвид дека оваа планета ќе ја сретнете тука еднаш во вашиот живот, па искористете го нејзиното присуство за да научите како се прават пари.
Здравје: Ништо нема да може да ви го одвлече вниманието кога ќе си поставите цел пред себе во текот на 2016 година. Оптимистичкиот Јупитер во првите 8 месеци ќе престојува во вашата дисциплинирана 10-та куќа, па со задоволство ќе го следите својот режим на исхрана и вежбање. Можно е пред 9 септември да одлучите да започнете поинтензивни тренинзи или да се консултирате со нутриционист за тоа што е најдобро за вашето тело.
Најголема веројатност за воведување новитети во вашиот начин на живот има на 6 мај, бидејќи тогаш настапува млада месечина во бик, вашата 6-та куќа на здравјето и фитнесот.
Ако професионално се занимавате со одреден спорт, воинствениот Марс ќе ви го буди натпреварувачкиот дух во најголем дел од годината, наградувајќи ве со победите кои отсекогаш сте ги посакувале. Црвената планета ќе престојува во вашиот знак двапати – од 6 март до 27 мај и од 2 август до 27 септември. Нема да мразите ништо повеќе од бесцелно седење и мрзеливост.
Јарец (повеќе на следната страница…)
