Денеска во просториите на Фудбалската федерација на Македонија беа извлечени двојките за новата клупска сезона во македонската Прва фудбалска лига. Во новата сезона ќе се натпреваруваат десет екипи, а новитет е и четрикружниот систем на натпреварување.
По првите два круга ќе се игра и трет по „бергеров систем“, по што за прв пат ќе бидат формирани плејоф и плаут-лиги кои ќе го решат прашањето за шампионот, како и за екипите што ќе испаднат од елитното друштво.
Новата клупска сезона ќе стартува на 3 август, а во првото коло, убедливо најголемо внимание ќе привлече пресметката помеѓу најголемите фудбалски ривали во Македонија, Пелистер и Вардар.
Бранителот на тронот, тимот на Работнички ќе биде домаќин на секогаш незгодната екипа на Металург, а предноста на домашниот терен но во дуелот против штипска Брегалница, ќе пробаат да ја искористат и фудбалерите на Шкендија.
Повратникот во елитното друштво Силекс во Кратово ќе го пречека Турново, додека Ренова во последниот меч од првото коло ќе биде домаќин на Тетекс.
