Утре е 23-ти октомври, Денот на македонската револуционерна борба, денот кога е формирано МРО подоцна преименувана во ВМРО. Гледам дека актуелната власт бега од овој празник, бега од негово славење, од давање на наградите кои секоја година се даваат, размислуваат да го укинат празникот. Од што се срамат и плашат? ВМРО била и ќе биде заштитник на државните и национални интереси на македонскиот народ и граѓаните на Република Македонија, истакна претседателот на ВМРО-ДПМНЕ Никола Груевски на средбата со жителите на скопско Стајковци.
„СДСМ немаат програма. Ние покажавме како се работи со програма, да се осмисли, да се дебатира, да се прашаат луѓето, да се издвојат најважните приоритети согласно можностите и на крајот да се реализира тоа што ќе се вети, но и многу повеќе од тоа кога ќе дојдат тешки времиња, како тука со Стајковци. Помогнавме колку што можевме, тоа се гледа и ќе продолжи да се гледа со активностите кои се планираат за во иднина. Она што е карактеристично за СДСМ е дека немаат програма и затоа на избори избори зборуваат за воздух, за ветер и магла. Видоа дека не можат да се мерат со работа и удрија на криминални измами“, рече Груевски.
Посочи дека во првиот круг од изборите се видело како СДСМ организира избори.
„Страв и притисоци на сите страни, поткупи како никогаш во Република Македонија. Заплашувања, уцени да не излегуваат на гласање, да се пасивизираат. Тоа е начин како СДСМ организира избори. Пукнат череп на градоначалник, убиен кандидат за советник, следени кандидати за градоначалници, слики на партиски активисти во натпревар чив пиштол подобро пука, а полицијата молчи затоа што е соучесник, затоа што додека го правеа поткупот тие чуваа стража пред куќите каде се прави поткуп. Секој ден со име и презиме дознаваме како потплаќаат гласови. Нема да не скршат, нема да го скршат ВМРО и овој народ бидејќи народот гледа што се случува и ќе им се врати како бумеранг и ќе има одговорност еден ден за сето ова. Крајната цел на сето ова е да се сузбие секој слободомислечки Македонец кој се грижи за својата држава, го сака својот јазик, земја, идентитет и преку разни механизми да се делува сакањето на државата да е демоде, а модерно да станат геј браковите, легализација на марихуаната и други дроги“, речеи Груевски.
Претседателот на ВМРО-ДПМНЕ посочи дека откако СДСМ се дојде на власт криминалците се пуштени на слобода, а патриотите во затвор.
„Немилите настани на 27-ми април беа очигледно намерно испровоцирани. Луѓето направија грешка, не требаше да паднат на таа провокација. Кога гледаме како се ослободуваат криминалци од типот на Бајруш, Красниќи…, како планираат да ги ослободат и амнестираат над 1000 затвореници за еден куп тешки дела, што е тоа во однос на луѓето од 27 април. кога гледаме дека ќе ги пуштаат на слобода убијците на 5 деца, се прашуваме овој човек кого затвора? Патриорите во затвор, криминалците и убијците на слобода. Не може така. Токму затоа побаравме да прекине прогонот врз луѓето кои беа испровоцирани на 27. Овие луѓе треба да се ослободат и ние ќе направиме се во рамки на институциите тоа да се случи. Додека прават спектакли насекаде и лажат, економијата паѓа, индустриското производство паѓа, извозот паѓа. Секој ден сѐ пониска и пониска прогноза за економскиот раст“, посочи Груевски.
