Романската тенисерка Симона Халеп направи голем исчекор кон пласманот на завршниот ВТА Мастерс во Сингапур, откако утринава забележа убедлива победа во дуелот против светскиот рекет број еден, Серена Вилијамс.
Халеп славеше со 2-0 (6:0 , 6:2) во сетови, иако Американката влезе во овој дуел како апсолутен фаворит. Вилијамс до овој меч немаше ниту еден пораз од Халеп, но токму првиот во нивните меѓусебни дуели ќе го памти уште долго.
Четврто-рангираната светска тенисерка е на чекор до полуфиналето во Сингапур, додека Серена Вилијамс ќе мора да слави над Ежени Бошур доколку сака да се пласира меѓу четирите најдобри на турнирот.
