Израелските власти проценуваат дека пречките за третиот круг размена на затвореници ќе биде потешко да се надминат.
Официјалните лица веруваат дека одложувањето на договорот вчера било предизвикана од разликата помеѓу она на што Израел се согласил и она што Хамас верува дека го добива, особено во однос на бројот на камиони со хуманитарна помош што се доставува до северниот регион на Појасот Газа.
Според официјалните лица, разделувањето на семејствата не е прекршување на договорот, бидејќи Хамас тврди дека не може да најде некои од роднините кои треба да бидат ослободени. Предложи алтернативи за ослободување, но Израел избра наместо тоа младата девојка да биде ослободена.
Синоќа 12-годишното девојче Хила Ротем е ослободена без нејзината мајка. Мосад два дена се залагаше за ослободување и на мајката, но без успех.
Ротем одговори на тврдењата на Хамас: „Мама беше со мене во текот на целиот период на заробеништво. Хамас не одвои еден од друг два дена пред моето ослободување. Состојбата на мајка ми беше добра. Бевме заедно со Емили. Хамас не извести дека има прекин на огнот и дека нè ослободуваат“.
Дополнително, братот на заложничката Маја Регев не беше ослободен. Еден ден пред масакрот, двајцата се вратиле од одмор во Мексико и оттаму тргнале на музичкиот фестивал, каде што биле киднапирани од Хамас.
Регев беше однесена на болничка нега по нејзиното ослободување за операција на ногата за санирање на раната здобиена за време на инвазијата на Хамас.
На видеото кое го објави Хамас се гледа како таа оди со патерици додека е придружувана од двајца терористи на Хамас.
